ارحلى لشاعر الكبير عيد البطحى البجيدى

ارحـــــلـــــــى


صدقينـي مـا نويـت اقـو لـك كلمـة وداع=صدقينـي فـي حياتـي مـا نويـت أودعـك
اذكر انـي كنـت لحروفـك اجيـد الاستمـاع=كنـت دايـم لا حكيتـي والله انـي اسمـعـك
قبل احبك كنت احس الحـب مـا فيـه اندفـاع=ليـن شفتـك تدفعينـي بالمحبـة وادفـعـك
كنت اشوف اني معاكي طفل في سن الرضـاع=وكنت اعيش الحب كله يوم انـا واقـف معـك
كنت اشوفك شمس تشرق بعدها مـالي متـاع=لا رحلتي عشت ليلـي بـس اناظـر مطلعـك
كل شـي ٍ لاجـل عينـك تطلبينـه مستطـاع=كنت اشيل الهـم عنكـي واوج اللـي يوجعـك
كنت لو تطلـب عيونـي جبتهـا لـك بإقتنـاع=ولـو ترجعهـا عليـه قلـت خليهـا مـعـك
قلت خليها تشوف الرمـش والسـود الوسـاع=وكنت اقول العين لو تبقى معـك مـا تشبعـك
كنت ابيع ايام من عمـري عشـان الإجتمـاع=وكان عمري ما يساوي لحظـة ٍ بـي تجمعـك
كنت اعيش بوجه واحد ما اعرف لبس القنـاع=وكنت انا الصادق معاكي مـا يحـاول يخدعـك
وكنت اقول ان الفضى ضايق ومـا للحـب داع=لما اشوفك تتركينـي فـي ضـروف ٍ تمنعـك
كنت لإجلك مستعد اخوض حـرب بـلا دفـاع=وكنت انا امشي فوق نار وعن لهبهـا ارفعـك
كنت حب ٍ في حياتـي غالـي ٍ وأمـره مطـاع=وكنت ما اغني بك الا يا حياتـي مـا اروعـك
كان في قلبي مكانك ما شكيـت مـن الضيـاع=كنت لا شفتـك تبـي تخطـي اجيـك وامنعـك
كـل هـذا مـا يقابـل يـا حبيبـي بالخـداع=كيف تخدع شخص حبك كيـف خنـت مولعـك
انت اول حب عندي وانـت اول شخـص بـاع=وكنت انـا المخلـص معـاك ادللـك وادلعـك
ما بقى لك في موازين المحبـة ربـع صـاع=خل منهـو كـان خلفـك يـا حبيبـي ينفعـك
بأحرق اوراق الغلا ما بيننا واطـوي الشـراع=بأنزع الحب القديـم مـن المشاعـر وانزعـك
إرحلي . يا جعلهـا تضيـق بـك كـل البقـاع=مـن بديتـي بالخيانـه قلـت ربـي يقلـعـك
إرحلي . ما دام صرتي شي من ماضي وضـاع=ارحلي . ما فيـه شـي ٍ فـي حياتـي يتبعـك
إرحلي . عن قلب مخلص كان عايش في صراع=وكفي الدمعه رخيص اليـوم عنـدي مدمعـك
وصدقيني ما نويـت اقـول لـك كلمـة وداع=لكن إنـي شفـت غـدرك وإنجبـرت أودعـك