البر والمقناص

زائر

:oops: :oops: :oops:

السلام عليكم

هذه قصيدة مهداه لمنتدى ؟؟؟؟؟؟؟؟؟؟؟؟ خاصه ... ولكل عشاق البر والمقناص عامه

من الشاعر المبدع : بليهيد بن مفرج العتيبي

بعنوان البر والمقناص ....

إلهي إلهي.. وصفك بسورة الإخلاص = منزل مع العسرين .. يسرين .. ألم نشرح

معينٍ وأبي عونك ..على حملي الشباص = كريمٍ لك استغفر.. وفي حمدك .. اسبح

طلبتك تكفّيني ..شرور البلا ..المصاص = يمص الدما ..في كل فرصه.. معه تسنح

عديم المروه ..والوفا ..خاينٍ نكاص= مولّـد فلوس.. وكل ماولـدت ..تلقـح

كذوبٍ ..يقص السالفة ..قصة المفراص= مهو كـفو للمجلس.. ولا كفو لمفطّح

وليا قصّها ..يجيب الأرباع ..والانصاص = نشازٍ ..مناكيثٍ ..بلا طعم ..متبجح

يلجك بصوته ..مثل ماتلجك ..الأقفاص = تقل بداخله واوي.. ليامن سرق.. ينبح

عسى الله يقلل نوع شخصه ..مع الاشخاص = لونّه بنفسه ..كثّر المدح ..مايِمدح

واليا وعدك ..تلقى موعده ..سهلة الامحاص= بقيضٍ ..يحمس الوجه ..من حر مايلفح

على طاري الامحاص.. جا الطير والمقناص = وبي أدخل بموضوعهن.. منكم استسمح

سلامي عليكم ..يشبه لفرحة القناص = لجاه الخبر ..عن مدهل الصيد.. ثم يفرح

قبل ما يتقهوى الكيف.. معه القدوع اخلاص = مصلي صلاة الفجر ..في وقتها وافلح

شعوره غريب ..اليا لقى الجرة ... القصاص = لقاها قريبه من امراحه ..عقب مااصبح

وهو لو لقاها ...غيبة الشمس ..جاه اخراص = حرام ليجيه الصبح ..في جلسته ..ماامرح

فرح ..وارتفع.. في داخله ..سرعة الرقاص = كما اللي ..مبشر عن ملايين ..بالمربح

مشى الكشف يبراله ..مصندق ..وجيب الشاص = بعد فرّعو ..بالاشقر النادر.. الافجح

عيونه ..عيون اللي ..ورى مقود الارباص = بحالة هبوط ..ولسمحوله ...واخذ يجنح

بعد شافته ..ياكن يجذب.. نحرها ماص = على الارض ..من شافت ..بدى الوضع ..مايسمح

طلع.. واكد ..وثبت نواضيره ..الشخاص= كأنه على أنتر.. وبقى عنصر ويفتح

عطاه السبوق بوقـتها.. وانتهض عكاص = عديمٍ لقى خصمه ..وهو يطلبه مذبح

هوى لا هوى.. كنه سعد بن ابي وقاص =على الفرس ..يوم القادسية ..هي المسرح

وليده بعضهن.. مثل خالد أو ابن العاص = خويه يبي يجمع.. وهو شغلته يطرح

ياكم فارسٍ ..حدوه يالين ..صاح وحاص = بعد ماتـزعم ...جاك بالقاع متمرمح

تحس الشعور اللي حرمها من المخلاص= كما اللي محول بالشتا بأوسط المسبح

وقع غفلهٍ ..واللي دفعبه ..رفيقٍ خاص = ألا مقشر المزحات ..بوضاع ماتصلح

رماه وقعد يضحك ...على منظر الغواص = يشاهق وحس البرد ...والرجل مايسبح

يقاوم يقاوم... لين هود ..وثمٍ غاص = بعدها رفيقه ..حرّم المزح ..مايمزح

سلامي عليكم.. ياهل البر والمقناص = سلامي على من جابه الفال ..متصفّح

وسلامتكم

صح لسانك ياخالد العنزي ومشكوووووووووووور